Nahodha wa Sheffield United, Billy Sharp, aliachwa na majeraha baada ya kushambuliwa na mashabiki kufuatia mchuano wa kufuzu katika daraja ya ligi kuu Uingereza mkondo wa pili dhidi ya Nottingham Forest.
Forest walishinda mchuano huo wa raundi ya pili katika mikiki ya penalti na kughadhabisha mashabiki wa Sheffield ambao waliingia uwanjani baada ya kuona upande wao umelemewa.
Meneja wa Sheffield United, Paul Heckingbottom, alisema baada ya mechi hapo ndipo Sharp alipojeruhiwa.
“Ni unyanyasaji,”alisema Hecklingbottom. “Tumeona mmoja wa wachezaji wetu akivamiwa. Alibebwa juu, alivuja damu, hasira. Itashughulikiwa.”
Akiwa amesimama tisti, Sharp alivamiwa na shabiki aliyekuwa uwanjani. Sharp alilamba sakafu huku shabiki huyo akitoroka.
Staa huyo mwenye umri wa miaka 36 ametoa maoni yake katika mtandao wa kijamii wa Twitter.
“Shabiki mmoja mpumbavu alivuruga kandanda ya usiku huo. Hongera kwa Nottingham Forest kwa ushindi wao na kila la heri katika fainali,” alisema kwa gadhabu.
Discover the pulse of Western Kenya with WKT – your go-to digital media platform for real-time updates, rich perspectives, and powerful stories that matter.
